ਭਾਰਤ ਤੋਂ ਆਸਟਰੇਲੀਆ ਦੇ ਦੌਰੇ ਤੇ ਆਏ ਨੌਜਵਾਨ ਕਾਂਗਰਸੀ ਐਮ ਪੀ ਗੁਰਜੀਤ ਸਿੰਘ ਔਜ਼ਲਾ ਅੱਜ ਬ੍ਰਿਸਬੇਨ ਦੇ ਘਰੇਲੂ ਏਅਰਪੋਰਟ ਤੇ ਆਸਟਰੇਲੀਆ ਦੇ ਕਾਂਗਰਸੀ ਵਰਕਰਾਂ ਅਤੇ ਮੁੱਖ ਹਸਤੀਆਂ ਵੱਲੋਂ ਉਤਸ਼ਾਹ ਨਾਲ ਸਵਾਗਤ ਕੀਤਾ ਗਿਆ ।

ਪੰਜਾਬ ਦੇ ਜ਼ਿਲ੍ਹਾ ਅੰਮ੍ਰਿਤਸਰ ਨਾਲ ਸੰਬੰਧਿਤ ਗੁਰਜੀਤ ਸਿੰੰਘ ਔਜ਼ਲਾ ਜੋ ਕਿ ਲੋਕ ਸਭਾ ਹਲਕਾ ਅੰਮ੍ਰਿਤਸਰ ਤੋਂ ਮੈਂਬਰ ਪਾਰਲੀਮੈਂਟ ਹਨ ਅਤੇ ਕਾਂਗਰਸ ਪਾਰਟੀ ਦੇ ਅਹਿਮ ਆਗੂਆਂ ਵਿੱਚੋਂ ਇਕ ਹਨ, ਉਹ ਬੀਤੇ ਦਿਨੀਂ ਆਸਟਰੇਲੀਆ ਦੇ ਵੱਖ ਵੱਖ ਸ਼ਹਿਰਾਂ ਵਿੱਚ ਪੰਜਾਬੀ ਭਾਈਚਾਰੇ ਵੱਲੋਂ ਹੋਏ ਇਕੱਠਾਂ ਵਿੱਚ ਸ਼ਾਮਿਲ ਹੋਏ ਹਨ ।

ਅੱਜ ਜਦੋਂ ਉਹ ਮੈਲਬੌਰਨ ਤੋਂ ਬ੍ਰਿਸਬੇਨ ਸ਼ਹਿਰ ਵਿਖੇ ਪਹੁੰਚੇ ਤਾਂ ਏਅਰਪੋਰਟ ਤੇ ਪੰਜਾਬੀ ਕਲਚਰਲ ਐਸੋਸੀਏਸ਼ਨ ਆਫ਼ ਕਵੀਨਜਲੈਂਡ ਦੇ ਪ੍ਰਧਾਨ ਅਵਨਿੰਦਰ ਸਿੰਘ ਲਾਲੀ ਗਿੱਲ ਦੀ ਅਗਵਾਈ ਵਿੱਚ ਨਿੱਘਾ ਸਵਾਗਤ ਕੀਤਾ ਗਿਆ । ਇਸ ਮੌਕੇ ਬ੍ਰਿਸਬੇਨ ਦੀਆਂ ਨਾਮਵਰ ਹਸਤੀਆਂ ਵਿੱਚ ਰੀਅਲ ਇਸਟੇਟ ਕਾਰੋਬਾਰੀ ਰਘਬੀਰ ਸਿੰਘ ਸਰਾਏ, ਪ੍ਰਣਾਮ ਸਿੰਘ ਹੇਅਰ, ਜਗਦੀਪ ਸਿੰਘ ਗਿੱਲ ਪੱਤਰਕਾਰ ਅਕਾਲੀ ਪੱਤ੍ਰਿਕਾ, ਹਰਪ੍ਰੀਤ ਸਿੰਘ ਕੋਹਲੀ ਪ੍ਰਧਾਨ ਬ੍ਰਿਸਬੇਨ ਪੰਜਾਬੀ ਪ੍ਰੈਸ ਕਲੱਬ, ਸੋਨੀ ਸੈਂਭੀ ਅੱਜ ਦੀ ਆਵਾਜ਼ ਅਤੇ ਆਸਟਰੇਲੀਅਨ ਰੰਗ ਚੈਨਲ, ਸੰਨੀ ਖਹਿਰਾ, ਮਲਕੀਤ ਧਾਲੀਵਾਲ ਡਾਇਮੰਡ ਪ੍ਰੋਡਕਸ਼ਨ, ਐਡਵੋਕੇਟ ਗੁਰਪ੍ਰੀਤ ਸਿੰਘ ਬੱਲ, ਸਟੇਜ ਸੰਚਾਲਕ ਜਸਵਿੰਦਰ ਸਿੰਘ ਰਾਣੀਪੁਰ, ਗੁਰਧਿਆਨ ਸਿੰਘ ਹਾਂਡਾ, ਗੁਰਪ੍ਰੀਤ ਸਿੰਘ ਜਾਤੀ ਉਮਰਾ ਆਦਿ ਹਾਜ਼ਰ ਸਨ ।
ਇਸ ਮੌਕੇ ਪੁੱਛੇ ਗਏ ਸਵਾਲ ਦੇ ਜਵਾਬ ਗੁਰਜੀਤ ਔਜ਼ਲਾ ਨੇ ਪੰਜਾਬੀਆਂ ਦੀ ਚਿਰੌਕਣੀ ਸਿੱਧੀ ਫਲਾਈਟ ਦੀ ਮੰਗ ਪੂਰੀ ਹੋਣ ਨੂੰ ਇਕ ਸ਼ੁਰੂਆਤ ਦੱਸਿਆ, ਔਜ਼ਲਾ ਨੇ ਕਿਹਾ ਕਿ ਆਸਟਰੇਲੀਆ ਵਿੱਚ ਹੁਣ ਇਕ ਪੰਜਾਬ ਵੱਸ ਚੁੱਕਾ ਹੈ । ਇਸ ਪੰਜਾਬ ਨੂੰ ਪੰਜਾਬ ਸਰਕਾਰ ਅਤੇ ਭਾਰਤ ਸਰਕਾਰ ਵੱਲੋਂ ਹਰ ਤਰ੍ਹਾਂ ਦੀ ਸਹੂਲਤ ਦਿਵਾਈ ਜਾਵੇਗੀ । ਪਰਵਾਸੀਆਂ ਦੀਆਂ ਮੁਸ਼ਕਿਲਾਂ ਦਾ ਹੱਲ ਪਹਿਲ ਦੇ ਆਧਾਰ ਤੇ ਕੀਤਾ ਜਾਵੇਗਾ । ਅਵਨਿੰਦਰ ਸਿੰਘ ਲਾਲੀ ਨੇ ਪੂਰੇ ਮਝੈਲ ਅੰਦਾਜ਼ ਵਿੱਚ ਜਿਥੇ ਗੁਰਜੀਤ ਸਿੰਘ ਔਜ਼ਲਾ ਦਾ ਸਵਾਗਤ ਕੀਤਾ, ਉਥੇ ਹਰ ਆਏ ਹੋਏ ਸਮੱਰਥਕ ਦਾ ਧੰਨਵਾਦ ਕਰਦਿਆਂ ਐਤਵਾਰ ਨੂੰ ਗੁਰਦੁਆਰਾ ਲੋਗਨ ਰੋਡ ਏਟ ਮਾਈਲ ਪਲੇਨਜ਼ ਦੇ ਐਜੂਕੇਸ਼ਨ ਹਾਲ ਵਿੱਚ ਗੁਰਜੀਤ ਔਜ਼ਲਾ ਜੀ ਦੇ ਸਨਮਾਨ ਵਿੱਚ ਹੋ ਰਹੇ ਸਨਮਾਨ ਸਮਾਰੋਹ ਵਿੱਚ ਹਿੱਸਾ ਲੈਣ ਲਈ ਬੇਨਤੀ ਕੀਤੀ WATCH VIDEO